Qazaxda yanğın baş verdi - Video

  Fövqəladə Hallar Nazirliyinin "112" qaynar telefon xəttinə Qazax şəhərinin Nəriman Nərimanov qəsəbəsində açıq ərazidə yanğın baş verməsi barədə məlumat daxil olub və dərhal əraziyə FHN-in Dövlət Yanğından Mühafizə Xidmətinin Qazax rayon Yanğından Mühafizə Hissəsinin qüvvələri cəlb olunub.

Bu barədə Referans-a Fövqəladə Hallar Nazirliyinin Mətbuat xidmətindən məlumat verilib.

Əməliyyat şəraitinə uyğun həyata keçirilən zəruri və təxirəsalınmaz tədbirlər sayəsində havanın küləkli olmasına baxmayaraq yanğın geniş əraziyə yayılmasına imkan verilmədən qısa müddətdə söndürülüb.

Yanğın nəticəsində təxminən 2ha sahədə əsasən kol-kos və quru ot yanıb.

Ətraf ərazilər yanğından mühafizə olunub.