Qərb ölkələrinin təşəbbüsü ilə Ukraynaya göndərilməsi nəzərdə tutulan xarici hərbi kontingentin əsasını Fransa və Böyük Britaniyanın silahlı qüvvələri təşkil edə bilər. Olaylar.az xəbər verir ki, bu barədə Politico Avropa rəsmilərinə istinadən məlumat yayıb. Məlumata görə, London və Paris digər müttəfiqlərə təzyiq göstərərək onların da hərbi resurslarla iştirakına nail olmağa çalışır. Avqustun 18-də Ukrayna prezidenti Volodimir Zelenski ilə ABŞ prezidenti Donald Trampın Vaşinqtonda görüşündən sonra Avropa siyasətçiləri yenidən Qərb ölkələrinin hərbçilərinin Ukraynaya göndərilməsi məsələsini gündəmə gətiriblər. Bu addım mümkün sülh razılaşması fonunda Ukraynaya təhlükəsizlik zəmanəti kimi nəzərdən keçirilir. Moskva isə NATO ölkələrinin hərbçilərinin Ukrayna ərazisində yerləşdirilməsinə qarşı çıxır. Avqustun 21-də Rusiya xarici işlər naziri Sergey Lavrov bəyan edib ki, Ukraynanın təhlükəsizliyinin "xarici hərbi müdaxilə yolu ilə təmin edilməsi" Moskva üçün qəbuledilməzdir.Təklifinizi, şikayətinizi bizə yazın. Sizi dinlərik.
055 634 88 31
