ABŞ Müdafiə Təhlükəsizliyi Əməkdaşlıq Agentliyi Ukraynaya 825 milyon dollar dəyərində “Havadan Çatdırılan Sursatlar” və logistika avadanlıqlarının satışını təsdiqləyib.
Manset.az xəbər verir ki, bu barədə Agentlik yazılı açıqlama yayıb.
Məlumata görə, paketə 3350 ədəd Uzun Mənzilli Hücum Sursatları (ERAM) raketləri, raket konteynerləri, ehtiyat hissələri, proqram təminatı, təlim və texniki dəstək avadanlıqları daxildir.
Qeyd olunub ki, satış regiondakı hərbi balansı dəyişməyəcək və ABŞ-ın milli təhlükəsizlik maraqlarına uyğundur.
Ukrayna bu alışı ABŞ-ın Xarici Hərbi Maliyyələşdirmə (FMF) proqramı çərçivəsində Danimarka, Hollandiya və Norveçin maliyyə dəstəyi ilə həyata keçirəcək.
Satışın qüvvəyə minməsi üçün ABŞ Konqresinin təsdiqi tələb olunur.
