Bizimyol saytından verilən məlumata əsasən, ain.az məlumatı açıqlayır.
ABŞ Dövlət Departamenti Ukraynaya təxmini dəyəri 825 milyon dollar olan “Hava Hücumu Sursatları” və müvafiq hərbi logistik dəstək avadanlıqlarının satışını təsdiqləyib.
Bizimyol.info "AA"ya istinadən xəbər verir ki, ABŞ Müdafiə Nazirliyinin bir bölməsi olan Müdafiə Təhlükəsizliyi Əməkdaşlıq Agentliyi (DSCA) satışın təsdiqi ilə bağlı yazılı açıqlama yayıb.
Bəyanatda deyilir ki, “Dövlət Departamenti Ukrayna hökumətinə təxmini dəyəri 825 milyon dollar olan “Hava Hücumu Sursatları” və əlaqəli avadanlıqların satışını təsdiqləyən qərar qəbul edib.
Açıqlamada qeyd olunub ki, Ukrayna 3350 ədəd Uzaqmənzilli Hücum Sursatları (ERAM) raketləri və Qlobal Mövqe Müəyyənetmə Sistemləri kimi bu sistemlərə uyğun avadanlıq tələb edib. Satış üçün lazımi rəsmi bildirişin ABŞ Konqresinə təqdim edildiyi də qeyd edilib.
Açıqlamada o da qeyd olunub ki, satışa raket konteynerləri, ehtiyat hissələri, dəstək avadanlığı, proqram təminatı, texniki sənədlər, təlim, logistika ləvazimatları daxildir.
Satışın bölgədəki “əsas hərbi balansı” dəyişdirməyəcəyi vurğulanan açıqlamada: “Bu satış Avropada siyasi sabitliyin və iqtisadi tərəqqinin qarantı olan bir müttəfiqinin təhlükəsizliyini gücləndirərək ABŞ-ın xarici siyasəti və milli təhlükəsizlik hədəflərini dəstəkləyəcək”, - deyə bildirilir.
Qeyd olunub ki, Ukrayna bu alışı ABŞ-ın Xarici Hərbi Maliyyələşdirmə (FMF) proqramı çərçivəsində Danimarka, Hollandiya və Norveç kimi ölkələrdən maliyyələşdirəcək.
Satışın başa çatdırılması üçün ABŞ Konqresinin yekun təsdiqi tələb olunur.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
