Ukrayna Prezidenti Volodimir Zelenski Türkiyə Prezidenti Rəcəb Tayyib Ərdoğanla Azərbaycan səfirliyinin binasını və “Bayraktar” zavodunun vurulmasını müzakirə edib.
Senzor.az bildirir ki, bu barədə Ukrayna lideri öz Teleqram kanalında yazıb.
Zelenski Ərdoğanla danışığın məsuldar keçdiyini, Ukraynaya dəstəyə görə Türkiyə Prezidentinə təşəkkür etdiyini bildirib.
O həmçinin Ərdoğanla möcvud vəziyyətlə bağlı fikir mübadiləsi apardıqlarını, Ukraynanın liderlər formatında danışığa hazır olduğunu, lakin Rusiyanın bundan yayınaraq müharibəni davam etdirdiyini söyləyib.
“Ötən gecə ruslar yenidən Ukraynaya zərbələr endirib və 30-dan çox raket, 600-ə yaxın pilotsuz uçan aparatdan istifadə ediblər. Bu atəş nəticəsində dördü uşaq olmaqla 17 nəfər həlak olub. Onlarla insanın vəziyyəti ağırdır və hazırda həkimlər həyatları üçün mübarizə aparırlar. Türkiyə müəssisəsi, Azərbaycan səfirliyi, Aİ nümayəndəliyi, “British Council” və yaşayış məntəqələrində tətillər olub. Bu, Putinin Ukrayna, ABŞ və avropalı tərəfdaşlarımızın qətlləri dayandırmaq üçün göstərdiyi bütün səylərə cavabıdır. Ona görə də təzyiq lazımdır – sanksiyalar, tariflər, siyasi təzyiqlər. Biz güclü addımlara ümid edirik”, -deyə Zelenski bildirib.
Xatırladaq ki, 28 avqust tarixində gecə saat 3 radələrində Ukraynanın paytaxtı Kiyev şəhərinə raket və dron hücumları zamanı raketlərdən biri ölkəmizin Ukraynadakı səfirliyinin binasının yaxınlığında partlayıb və nəticədə yaranan zərbədən binaya zərər dəyib.
Azərbaycan Xarici İşlər Nazirliyinin mətbuat katibi Ayxan Hacızadənin dediyinə görə, bəzi pəncərələr qırılıb, konsulluq bölməsinin damında çatlar əmələ gəlib.
"Səfirliyin əməkdaşları arasında xəsarət alan olmayıb. Səfirliyimiz fəaliyyətini davam etdirir", - XİN rəsmisi vurğulayıb.
