Reyting.az portalından verilən məlumata görə, ain.az xəbər yayır.
Türkiyə prezidenti Rəcəb Tayyib Ərdoğan ilə Ukrayna prezidenti Vladimir Zelenski arasında telefon danışığı olub. Söhbət zamanı Türkiyə ilə Ukrayna arasında ikitərəfli münasibətlər, Ukrayna ilə Rusiya arasında sülh prosesi, eləcə də regional və qlobal məsələlər müzakirə edilib.Reyting.az xəbər verir ki, bunu Türkiyə prezidentinin mətbuat xidmətindən bildiriblər.Məlumata görə, Ərdoğan söhbət zamanı Alyaska və Vaşinqtondakı təmasları yaxından izlədiklərini, “Türkiyə müharibənin daimi sülhün bərqərar olması ilə bitməsi üçün səylərini davam etdirir” və “Sülhün bərqərar olması ilə Türkiyənin Ukraynanın təhlükəsizliyinə töhfə verməyə davam edəcəyini” söyləyib.Türkiyə prezidentinin sözlərinə görə, Ukrayna və Rusiya arasındakı müharibədə ədalətli həll mümkündür və iki tərəf arasında danışıqları gücləndirmək və davam etdirmək lazımdır.Ərdoğan deyib ki, Türkiyə “sülhə yol açacaq yüksək səviyyəli təmasları asanlaşdırmaq üçün mümkün olan hər şeyi etməyə hazırdır”.Söhbət zamanı prezident Ərdoğan da Ukraynanın Müstəqillik Günü münasibətilə təbrik edib.ELÇİN
Daha ətraflı məlumat və yeniliklər üçün ain.az saytını izləyin.
