Ötən gecə UEFA Çempionlar Liqasında baş tutan görüşlərdən sonra Liqa mərhələsinə vəsiqə qazanan bütün komandalar müəyyənləşib.
Fanat.Az xəbər verir ki, 36 komanda arasında Azərbaycan təmsilçisi “Qarabağ” da yer alıb.
Azərbaycan çempionunun Liqa mərhələsindəki rəqibləri bu gün bəlli olacaq. ÇL-in Liqa mərhələsinin püşkatma mərasimi bu gün Bakı vaxtı ilə saat 20:00-da Monakoda baş tutacaq.
"Köhlən atlar" ən güclülərin yer aldığı nüfuzlu klub turnirində 4-cü səbətdə yer alıb. Reqlamentə əsasən, "Qarabağ" 4-ü evdə, 4-ü səfərdə olmaqla 8 rəqiblə qarşılaşacaq. Liqa mərhələsinin ilk turunun oyunları 16-18 sentyabrda baş tutacaq.
I səbət
PSJ (Fransa), “Real Madrid” (İspaniya), “Mançester Siti” (İngiltərə), “Bavariya” (Almaniya), “Liverpul” (İngiltərə), “İnter” (İtaliya), “Çelsi” (İngiltərə), “Borussiya” (Dortmund, Almaniya), “Barselona” (İspaniya)
II səbət
“Arsenal” (İngiltərə), “Bayer” (Almaniya), “Atletiko” (İspaniya), “Benfika” (Portuqaliya), “Atalanta” (İtaliya), “Vilyarreal” (İspaniya), “Yuventus” (İtaliya), “Ayntraxt” (Almaniya), “Brügge” (Belçika)
III səbət
“Tottenhem” (İngiltərə), “PSV Eyndhoven” (Niderland), “Ayaks” (Niderland), “Napoli” (İtaliya), “Sportinq” (Portuqaliya), “Olimpiakos” (Yunanıstan), “Bodo-Qlimt” (Norveç), “Slaviya” (Çexiya), “Marsel” (Fransa)
IV səbət
“Kopenhagen” (Danimarka), “Monako” (Fransa), “Qalatasaray” (Türkiyə), “Yunion” (Belçika), “Atletik” (İspaniya), “Nyukasl” (İngiltərə), “QARABAĞ” (AZƏRBAYCAN), “Pafos” (Kipr), “Kayrat” (Qazaxıstan).
