Polşa hakimiyyəti Ukrayna qaçqınlarına yardımın və xüsusi statusun uzadılması haqqında qanuna respublika prezidenti Karol Navroçkinin qoyduğu vetoya görə Ukrayna üçün "Starlink" peyk internetinin maliyyələşdirilməsinə yardım göstərə bilməyəcək.
AFN.az yerli mediaya istinadən xəbər verir ki, bunu respublikanın rəqəmsallaşma naziri Kşiştof Qavkovski deyib.
"Karol Navroçki öz qərarı ilə Ukrayna internetini kəsir, çünki de-fakto Ukrayna vətəndaşlarına yardım haqqında qanunla bağlı qərarının mənası budur. Bu, Polşanın müharibədə Ukraynaya təqdim etdiyi "Starlink" internetinin sonu deməkdir. Bu, həm də Ukrayna administrasiyasının elektron məlumatlarının təhlükəsiz yerdə saxlanmasına verilən dəstəyin sonudur", - deyə Qavkovski bildirib.
