Bakı, 25 avqust, AZƏRTAC
ABŞ Prezidenti Donald Tramp Merilend ştatının qubernatoru Ues Mura cinayətkarlıqla mübarizə üçün ştata qoşun yeritməyi təklif edib.
AZƏRTAC xəbər verir ki, bu barədə Amerika lideri özünün “Truth Social” səhifəsində yazıb.
“Əgər Ues Mura köməyə ehtiyac duyarsa, mən qonşu Vaşinqtonda etdiyim kimi qoşun göndərəcəyəm və tez bir zamanda cinayətdən qurtulacağam”, – deyə o vurğulayıb.
Tramp qeyd edib ki, Merilend ştatının Baltimor şəhəri ölkədə qətllərin sayına görə dördüncü yerdədir.
