Xalqcebhesi portalından verilən məlumata görə, ain.az xəbər yayır.
Gürcüstanda 4 oktyabr seçkilərində iştirak məqsədilə təşəbbüs qruplarının qeydiyyat müddəti başa çatıb.
Bununla bağlı Mərkəzi Seçki Administrasiyası məlumat verib.
Məlumata görə, bələdiyyə nümayəndəli orqanına – "sakrebuloya" və özünüidarə şəhərinin / özünüidarə icmasının meri seçkilərində namizəd irəli sürmək üçün ümumilikdə 50 təşəbbüs qrupu seçki administrasiyasına müraciət edib.
“Gürcüstan üzrə müstəqil mer namizədini irəli sürmək məqsədilə 8 təşəbbüs qrupu müvafiq seçki komissiyalarına müraciət edib. Onlardan 6 təşəbbüs qrupu qeydiyyata alınıb, 2-nin qeydiyyatı isə rədd edilib.
Majoritar deputatlığa namizədlərlə bağlı olaraq, müvafiq dairə seçki komissiyalarına 42 təşəbbüs qrupu müraciət edib. Onlardan 39-u qeydiyyatdan keçib, 3-nün qeydiyyatı rədd olunub.
Təşəbbüs qrupları tərəfindən irəli sürülən müstəqil namizədlər seçkilərə ən geci seçkilərə 40 gün qalmış (25 avqust) qeydiyyatdan keçmək üçün tərəfdarlarının siyahısını təqdim etməlidirlər”, – məlumatda qeyd olunub.
Cavid
Daha ətraflı məlumat və yeniliklər üçün ain.az saytını izləyin.
