Xarici işlər naziri Sergey Lavrovun təhlükəsizlik zəmanətlərini verməkdən imtina etməsi Rusiyanın ABŞ ilə danışıqlarını faktiki olaraq dağıdıb.
AzPost bildirir ki, bu barədə vəziyyətlə tanış olan avropalı rəsmi Bloomberg-ə bildirib.
Onun sözlərinə görə, Moskvanın belə mövqeyi Ukrayna üçün mümkün təhlükəsizlik paketi üzərində işi çətinləşdirir və danışıqlar prosesinin həyata keçirilməsi ilə bağlı Qərb müttəfiqlərində ciddi şübhələr yaradır.
Mənbə qeyd edir ki, daha əvvəl görüşlər zamanı Ukraynanın təhlükəsizliyinin təmin edilməsində zəmanət və Rusiyanın iştirakı məsələləri müzakirə olunub, lakin tərəflər hələlik razılığa gəlməyiblər.
