"Atletiko" klubu hücumçusu Xulian Alvareslə bağlı qərarını verib.
90deqiqe.Az-ın məlumatına görə, Madrid klubu argentinalı futbolçunun müqaviləsini uzatmaq niyyətindədir.
25 yaşlı forvard da "Atletiko" ilə əməkdaşlığı davam etdirməkdə maraqlıdır. Tərəflər bir müddətdir danışıqlar aparır. Alvaresin baş məşqçi Dieqo Simeone ilə münasibətləri yüksək səviyyədədir və hücumçu Madrid klubunda qalmaq arzusundadır.
Hazırkı müqavilə Alvaresi 2030-cu ilin ortalarınadək "Atletiko" ilə bağlayır. Argentinalı futbolçu Madrid təmsilçisində keçirdiyi bir ildən artıq müddətdə 58 oyuna çıxıb, 30 qol vurub və 8 məhsuldar ötürmə edib.
