Vens də Tramp-Zelenski görüşündə iştirak edəcək
ABŞ-ın vitse-prezidenti J.D.Vens prezidentlər Donald Tramp və Vladimir Zelenski arasında bu gün Vaşinqtonda keçiriləcək görüşdə iştirak edəcək. Bu barədə ABC News mənbəyə istinadən məlumat yayıb. Vitse-prezidentin ikitərəfli görüşdən sonra planlaşdırılan bir sıra Avropa liderləri ilə danışıqlarda iştirak edəcəyi daha əvvəl bildirilmişdi.
ABŞ prezidentinin cədvəlinə əsasən, Ukrayna prezidenti ilə görüş Moskva vaxtı ilə saat 20:15-də başlayacaq.
Prezidentlər Ukrayna münaqişəsinin həlli planını müzakirə etmək niyyətindədirlər. NBC telekanalının məlumatına görə, danışıqlarda Ukrayna üçün təhlükəsizlik zəmanətləri mövzusuna da toxunulacaq.
Cənab Zelenskinin Vaşinqtona əvvəlki səfəri fevralın 28-də baş tutub: o zaman danışıqlar aparan tərəflər Ukraynadakı münaqişə ilə bağlı müxalif fikirlər üstündə mübahisə ediblər. Cənab Trampın mövqeyini onun vitse-prezidenti dəstəkləyib. Nəticədə görüş nəzərdə tutulduğundan tez başa çatıb. May ayında J.D.Vens və Ukrayna prezidenti Romada görüşdülər.
