Müəllif: Tamara Mustafayeva, Banco.az
Milyarder investor Uarren Baffettin şirkəti "Berkshire Hathaway" ikinci rübdə Amerikanın sığorta şirkəti "UnitedHealth Group"un səhmlərini aldığını açıqlayıb.
Banco.azxəbər verir ki, bu yenilik şirkətin səhmlərinin yüksəlməsinə səbəb olub. Şirkət ABŞ Qiymətli Kağızlar və Birja Komissiyasına (SEC) verdiyi açıqlamada 30 iyun tarixinə təxminən 1,6 milyard dollar dəyərində 5,04 milyon "UnitedHealth" səhminə sahib olduğunu bildirib.
Bundan əlavə, "Berkshire" həmin dövrdə ABŞ-ın böyük mobil operatoru "T-Mobile"dakı 1 milyard dollarlıq payını sataraq şirkətdən ayrılıb.
Baffettin "UnitedHealth"ə investisiya etməsi, səhiyyə şirkətinin bir neçə böhranla üz-üzə qaldığı dövrə təsadüf edib.
"UnitedHealth" digər ABŞ sağlamlıq sığorta şirkətləri ilə birlikdə, gözlənilməz səhiyyə xərclərinin artımı ilə qarşılaşıb. Şirkət aprel ayında on ildən çox bir müddətdən sonra ilk dəfə olaraq Wall Street proqnozlarının altında mənfəət açıqlayaraq səhmlərinin dəyərində azalma yaradıb. O vaxtdan bəri baş icraçı direktorunu dəyişib və maliyyə direktorunu dəyişməyi planlaşdırdığını elan edib.
"Berkshire"ın "UnitedHealth" səhmlərinə dair açıqlaması, sığorta şirkətinin səhmlərinin 9,6 faizə qədər yüksəlməsinə səbəb olub.
Baffet keçən il də “Apple”ın 20 milyon səhmini satmışdı. “Berkshire”in “Apple” payı iyunun 30-da başa çatan üç ayda təxminən 9,2 milyard dollar azalsa da, o, bazar kapitallaşmasına görə şirkətin ən böyük holdinqi olaraq qalır.
Bununla yanaşı, “Berkshire” “Bank of America”dakı (BofA) payını azaltmağa davam edib. Şirkət 26 milyon səhm sataraq, iyunun sonuna qədər payını təxminən 8%-ə endirib.
Bizi sosial şəbəkələrdən izləyin!!
