Pakistanın şimalında güclü yağışların səbəb olduğu daşqınlarda ölənlərin sayı 330 nəfərə çatıb.
Operativ Media xəbər verir ki, bu barədə Geo News məlumat yayıb.
Daşqınlar nəticəsində ölənlərin sayı Hayber Paxtunxva əyalətində 307, Gilgit Baltistanda 12, Azad Kəşmirdə 11 nəfərə çatıb.
Hayber Paxtunxva əyalətinin rəsmiləri 32 nəfərin itkin düşdüyünü bildirib.
Rəsmilər ölkənin şimalında güclü yağışların avqustun 21-dək davam edəcəyini açıqlayıb.
