Hökumətin bəzi vəd etdiyi dəyişikliklər hələ də kağız üzərində qalır...
Poliqon Almaniyanın “Bild” nəşrinə istinadən xəbər verir ki, Almaniyada CDU/CSU və SPD koalisiyası tərəfindən yaradılan yeni hökumətin 100 günlük fəaliyyəti göstərdi ki, seçki kampaniyasında verilmiş bir çox böyük vədlər hələ reallaşmayıb. Seçkilərdən əvvəl kansler Fridrix Merts və partiyası əvvəlki koalisiya dövründə qəbul edilmiş bir sıra qanunları ləğv edəcəklərini vəd etmişdilər, lakin koalisiya müqaviləsində bu planlar daha yumşaq formada yer alıb.
Məsələn, Merts demişdi ki, kannabisin leqallaşdırılması dərhal ləğv ediləcək, amma sənəddə yalnız 2025-ci ilin payızında qanunun fəaliyyətinin açıq qiymətləndirməsi keçiriləcəyi göstərilib. Eyni vəziyyət “isitmə qanunu” ilə bağlıdır: vəd olunan tam ləğv yerinə hökumət yalnız onun islah variantlarını nəzərdən keçirir.
Özünü müəyyənləşdirmə və abort məsələləri də seçicilər üçün gözlənilməz olub. Seçkilərdən əvvəl CDU/CSU özünü müəyyənləşdirmə qanununu tənqid etsə də, indi yalnız 2026-cı ilin yayına qədər onun yenidən nəzərdən keçirilməsinə razılıq verib. Abort mövzusunda isə, əvvəllər toxunmaq istəmədikləri mövzuya, əvvəlki hökumət dövründə yaradılmış komissiyanın tövsiyəsinə uyğun olaraq erkən mərhələdə hamiləliyin dayandırılmasının leqallaşdırılması daxil edilib.
Seçki hüququ islahatı ilə bağlı böyük vəd də yerinə yetirilməyib. Koalisiya müqaviləsində 2025-ci ildə tövsiyələr verəcək bir komissiyanın yaradılacağı və sonra “təxirəsalınmadan” qanunvericilik prosesinə başlanacağı göstərilir. Amma praktikada heç bir dəyişiklik olmayıb. Müzakirələr Bundestaqın yay tətilindən sonra davam etdiriləcək.
Poliqon.info
