BAKI, TurkicWorld, Nərmin Ağayeva
Türkiyə Prezidenti Rəcəb Tayyib Ərdoğan Ermənistanın baş naziri Nikol Paşinyanla telefonla danışıb.
TurkicWorld xəbər verir ki, Prezidentin Kommunikasiyalar İdarəsinin yaydığı məlumata görə, söhbət Ermənistan tərəfinin xahişi ilə baş tutub. Görüş zamanı Ermənistan və Azərbaycan arasında sülh danışıqları müzakirə olunub.
Ərdoğan Paşinyanı Azərbaycanla əldə olunan razılaşmaya görə təbrik edərək, nümayiş etdirilən sülh iradəsinin regional sabitlik üçün dəyərli olduğunu vurğulayıb.
"Bu addım artıq konkret tədbirlərə çevrilməlidir", — deyə Türkiyə prezidenti bildirib.
Ərdoğan, Türkiyə ilə Ermənistan arasında normallaşma prosesinin irəliləməsi üçün texniki səviyyəli danışıqların davam etdiriləcəyini və bu istiqamətdə səylərin artırılacağını qeyd edib.
