Rusiya prezidenti Vladimir Putin Kremldə Hindistan baş nazirinin milli təhlükəsizlik üzrə müşaviri Ajit Dovalı qəbul edib. Bu barədə prezident administrasiyasının mətbuat xidməti məlumat yayıb.
Danışıqlarda Rusiya Federasiyası Təhlükəsizlik Şurasının katibi Sergey Şoyqu və Rusiya prezidentinin köməkçisi Yuri Uşakov da iştirak edib. Hindistan tərəfdən isə respublikanın Rusiyadakı səfiri Vinay Kumar. Hindistanın “The Tribune” nəşri yazıb ki, cənab Doval Rusiyaya səfəri zamanı Rusiya tərəfi ilə xam neft tədarükü məsələsini müzakirə edəcək.
Bu gün Ajit Doval və Sergey Şoyqu ayrıca görüş keçirib. Rusiya Təhlükəsizlik Şurasının katibi Hindistanla strateji tərəfdaşlığın gücləndirilməsinin vacibliyini qeyd edib. 2024-cü ilin iyulunda Hindistanın baş naziri Narendra Modi Rusiyaya səfər etdi. Vladimir Putinin ilin sonuna qədər Hindistana səfəri gözlənilir. Bundan əlavə, iki ölkə başçısı avqustun 31-dən sentyabrın 1-dək Çində keçiriləcək Şanxay Əməkdaşlıq Təşkilatının (ŞƏT) sammitində də görüşə bilər.
Əziz Mustafa
