Bakı, 5 avqust, AZƏRTAC
Azərbaycanın UEFA Çempionlar Liqasındakı təmsilçisi “Qarabağ” bu gün III təsnifat mərhələsində ilk oyununa çıxacaq.
AZƏRTAC xəbər verir ki, Ağdam klubu Şimali Makedoniyada “Şkendiya”nın qonağı olacaq.
Skopyedə yerləşən “Todor Proeski” stadionunda keçiriləcək görüş Bakı vaxtı ilə saat 22:00-da başlanacaq. Matçı Slovakiyadan olan hakimlər briqadası idarə edəcək.
Komandalar arasında cavab oyunu avqustun 12-də Tofiq Bəhramov adına Respublika Stadionunda keçiriləcək.
