Oxumeni.az portalından alınan məlumata görə, ain.az xəbər verir.
Zelenski : Məqsədimiz NATO ilə tam inteqrasiyadır
Ukrayna Hərbi Hava Qüvvələri bu il Qərb qırıcılarını qəbul edib və daha çox olacaq. Məqsəd NATO qüvvələri ilə tam inteqrasiyadır.
Bunu Ukrayna prezidenti Vladimir Zelenski deyib.
"Təkcə bu il Hərbi Hava Qüvvələrimiz Fransadan "Mirajlar" - döyüş maşınları, həmçinin əlavə F-16-lar alıb", - prezident deyib.
Zelenski bildirib ki, bu gün döyüş aviasiyasının inkişafının növbəti mərhələləri təsdiqlənib. Xüsusilə, bunlar yeni platformalar və Ukrayna qüvvələrinin tərəfdaşların ordusu ilə inteqrasiyasında yeni addımlardır.
“Məqsədimiz Ukrayna Hərbi Hava Qüvvələrinin NATO qüvvələri ilə tam və effektiv inteqrasiyasıdır ki, bu, Ukraynanın müdafiəsi üçün mütləq daha çox imkanlar verəcək və eyni zamanda, ölkəmizi Avropanın müdafiəsinin daha da güclü hissəsinə çevirəcək”, - deyə dövlət başçısı yekunlaşdırıb.
Xatırladaq ki, bu gün Ukraynanın müdafiə naziri Denis Şmıxal bildirib ki, Ukrayna NATO standartlarına uyğun olaraq aviasiya imkanlarının inkişafı üçün Yol Xəritəsi hazırlayıb.
Sənəd NATO-nun Hərbi Hava Qüvvələri Doktrinası əsasında hazırlanıb. Nazirin izah etdiyi kimi, bu doktrina təhlükəsizlik və təcavüzün qarşısını almaq üçün Alyansın hərbi-hava qüvvələrinin istifadə prinsipləri və üsulları ilə bağlı strateji sənəddir.
Əziz Mustafa
Daha ətraflı məlumat və yeniliklər üçün ain.az saytını izləyin.
