Yorrell Hato “Çelsi”nin futbolçusu olub.
Bakues.az xəbər verir ki, London klubu 19 yaşlı müdafiəçinin “Ayaks”dan transfer olunduğunu rəsmən açıqlayıb. Hato ilə 2032-ci ilə qədər müqavilə imzalanıb.
Mətbuatda yayılan məlumatlara görə, transfer “Çelsi”yə bonuslar istisna olmaqla 43,5 milyon avroya başa gəlib.
Qeyd edək ki, ötən mövsüm Hato Erediviziyada 31 oyun keçirib, 2 qol vurub və 6 məhsuldar ötürmə ilə yadda qalıb.
