“Mənim üçün çox böyük itki, çox böyük ağrıdır”.
Sfera.az Lent.az-a istinadən xəbər verir ki, bu sözləri ötən gün Azərbaycan Yazıçılar Birliyinin sədri, yazıçı Anar Xalq yazıçısı Elçin Əfəndiyevin vəfatı ilə bağlı deyib.
“Elçinin ölüm xəbərini almışam. İndiyə qədər özümə gələ bilməmişəm. Bir yazı da yazmışam, “Ədəbiyyat qəzeti”ndə çıxacaq. Böyük nasiri, dramaturqu, tənqidçini, ictimai xadimi, qayğıkeş ailə başçısını itirdik. Mən isə bizim nəsildən olan sonuncu yaxın dostumu itirdim...”, - Anar bildirib.
Xatırladaq ki, ötən gün Xalq yazıçısı Elçin Əfəndiyev 82 yaşında vəfat edib.
