“Neftçi” bu gün Polşa təlim-məşq toplanışı çərçivəsində sonuncu yoxlama oyununu keçirib.
Sportinfo.az xəbər verir ki, “ağ-qaralar” Kiprin AEL klubu ilə qarşılaşıblar.
Görüş 2:2 hesablı heç-heçə ilə başa çatıb. Matç Byalobjeqdə yerləşən “Mieyski” stadionunda təşkil olunub.
Bakı klubunun heyətində qolları Bassalu Sambu və Ramil Şeydayev vurub.
Bundan əvvəl “Hapoel Təl-Əviv” (1:1) və “Termalitsa Nyeçetşa” (2:2) ilə qarşılaşan “Neftçi”nin “Asteras Tripolis” ilə görüşü güclü leysan səbəbindən ləğv olunmuşdu.
