Amerikalı müğənni Castin Timberleyk ona Laym xəstəliyi diaqnozu qoyulduğunu açıqlayıb.
Moderator.az xəbər verir ki bu barədə sənətçinin instaqram hesabında bildirilib.
Müğənni “Forget Tomorrow” dünya turnesinin başa çatması ilə bağlı açıqlamasında xəstəliyindən də bəhs edib.
Timberleyk xəstəliyin nə vaxt aşkarlandığını açıqlamayıb.
O bildirib ki, diaqnozla bağlı əvvəlcə danışmaq istəməyib, çünki həmişə belə şeyləri özümdə saxlamağı öyrədiblər. Lakin müğənni hekayəsinin yanlış anlaşılmaması üçün açıq danışmağa qərar verib.
Qeyd edək ki, Laym xəstəliyi gənələr vasitəsilə yayılan təbii ocaqlı infeksiyadır. Bu xəstəlik dəriyə, oynaqlara, sinir sisteminə və ürək-damar sisteminə zərər yetirə bilər.
Xatırladaq ki, bu yaxınlarda Castin turne çərçivəsində Bakıda idi.
