Türkiyə ilə İraq arasında 1973-cü ildən qüvvədə olan Xam Neft Boru Kəməri Müqaviləsi 27 iyul 2026-cı ildə başa çatacaq.
Operativ Media xəbər verir ki, bu barədə Türkiyə prezidenti Rəcəb Tayyib Ərdoğan qərar imzalayıb.
Müvafiq olaraq, Türkiyə-İraq Xam Neft Boru Kəməri Müqaviləsi, Xam Neft Boru Kəməri Protokolu və digər əlaqədar müqavilə və protokolların müddəti 27 İyul 2026-cı il tarixindən etibarən başa çatacaq.
Qeyd edək ki, xəttin birinci fazası iki ölkə arasında 1973-cü il avqustun 27-də imzalanmış Xam Neft Boru Kəməri Sazişinə əsasən 1976-cı ildə istismara verilib. Müqavilə 2010-cu ildə yenilənib və 15 il müddətinə uzadılıb.
Gözəl Azadəliyeva
