ABŞ-ın Massaçusets ştatının Fitçburq şəhərində yaşayan Pol Korkoran adlı şəxs təsadüf nəticəsində bir gecədə iki dəfə “Powerball” lotereyasını udaraq milyonçu olub.
Publika.az xəbər verir ki, bu barədə “New York Post” qəzeti yazıb.
Bildirilib ki, Korkoran əvvəlcə ilin əvvəlində 7 tiraj üçün bilet alıb, lakin biletin artıq keçərsiz olduğunu düşünüb və iyulun 9-da yenidən çoxtirajlı bilet alıb.
Nəticədə, hər iki bilet həmin tirajda aktiv olub və eyni nömrələrlə böyük uduş qazandırıb. O, hər biri 1 milyon dollar dəyərində iki uduş əldə edib.
