“Ermənistan Avropa İttifaqına tamhüquqlu üzv olmaq istəyir, lakin bu, heç bir ölkə üçün asan prosedur deyil”.
Bakues.az “Armenpress”ə istinadən xəbər verir ki, bunu Ermənistanın baş naziri Nikol Paşinyan deyib.
O, bildirib ki, Ermənistan Aİ-yə daxil olmaq istəyir:
“Avropalı həmkarlarımızla müzakirələrimiz zamanı bizdən soruşdular ki, qəbul edilmiş “Ermənistanın Aİ-yə daxil olması prosesinin başlanması haqqında” qanunu Ermənistanın Aİ-yə üzv olmaq istədiyini ifadə edirmi? Mənim cavabım bəli, Ermənistan Aİ-yə üzv olmaq istəyir. Lakin avropalı həmkarlarımız və biz bildirdik ki, Aİ-yə üzv olmaq asan deyil. Buna görə də namizəd ölkənin Aİ standartlarına cavab verməsi vacibdir”.
Asim
