Vətəndaş Təşəbbüsləri və İctimai Maarifləndirmə İctimai Birliyinin sədri Elşən Nağıyev QHT.az-a verdiyi açıqlamada son dövrlərdə Azərbaycanda ictimai fəallıq və vətəndaş təşəbbüslərinin dinamik inkişaf etdiyini bildirib.
Elşən Nağıyev qeyd edib ki, 2025-ci ilin “Konstitusiya və Suverenlik İli” elan olunması hüquqi maarifləndirmə və insan hüquqlarının müdafiəsi sahəsində yeni imkanlar yaradıb:
"Qeyri-hökumət təşkilatlarının fəaliyyət dairəsi genişlənib, dövlətlə əməkdaşlıq imkanları artıb. Vətəndaşlar daha aktiv şəkildə ictimai nəzarət mexanizmlərində iştirak edirlər — şəffaflıq və hesabatlılıq tələbləri güclənib. Sosial media vasitəsilə ictimai məsələlər haqqında dair daha geniş müzakirələr aparılır, bu da ictimai rəyin formalaşmasına təsir edir.
Ekoloji və Sosial Layihələrin Çoxalması. QHT-lər tərəfindən ekoloji maarifləndirmə, narkomaniyaya qarşı mübarizə və sosial rifah layihələri həyata keçirilir. “COP29-un qlobal missiyalarının yerlərdə təşviqi” kimi beynəlxalq təşəbbüslər yerli səviyyədə dəstəklənir. Hüquq və konstitusiya sahəsində təlimlər və seminarlar təşkil olunur, bu da hüquqi savadlılığın artmasına səbəb olur. Vətəndaş cəmiyyətinin beynəlxalq arenada tanıdılması üçün yeni platformalar yaradılır. Bu dəyişikliklər göstərir ki, vətəndaşlar artıq yalnız müşahidəçi deyil, aktiv iştirakçı rolunu oynayırlar".
Pərvanə Fərhadqızı
