Gözəl təbiəti və mənzərəli relyefi ilə göz oxşayan Laçın həm də zəngin flora və faunaya malikdir. Dağlarında marallar, ceyranlar gəzən Laçının təbiət qoynunda bu dəfə ceyran və balasının görüntüləri marağa səbəb olub.
Axar.az xəbər verir ki, Laçın təbiətində, qonur ayı, canavar, adi tülkü, çaqqal, qayakeçisi, ceyran, maral, cüyür, qaban, sincab, süleysin və məməlilər sinfinə daxil olan bir çox heyvana rast gəlinir. Bu dəfə isə Laçın dağlarında balasına süd verən ceyranın görüntüləri diqqət çəkib. Kadrlar Laçın rayonu Ərikli kəndi ərazisində qeydə alınıb.
