Ötən mövsümü 2-ci pillədə başa vuran "Fənərbağça" yeni mövsümün hazırlıqlarını davam etdirir.
Fanat.Az xəbər verir ki, Türkiyə təmsilçisi Arsenalla Leandro Trossardın transferi üçün danışıqlara başlayıb.
Bu barədə məlumatı "Times" yayıb.
Xəbərdə bildirilir ki, "topçular" belçikalı hücumçunun komandadan ayrılmasına icazə verib. Bu transfer üçün İngiltərə nəhəngi "Fənərbağça"dan 20 milyon avro tələb edir.
"Sarı-lacivərdlilər" futbolçuya 3 illik müqavilə təklif edib.
Qeyd edək ki, Trossard ötən mövsüm iştirak etdiyi 56 matçda 10 qol və 10 məhsuldar ötürmə ilə fərqlənib.
Kamil Xudiyev
