Moldova Sosialistlər Respublikasının Partiyası (PCRM) lideri İqor Dodon Moskvada Rusiya Federasiyasının baş nazir müavini Dmitri Patruşevlə görüşü zamanı Rusiya və Moldova arasında strateji dialoqun bərpa olunacağına ümid etdiyini bildirib.
Olaylar xəbər verir ki,"Hazırkı hakimiyyətin uzaq durduğu şəraitdə, ikitərəfli münasibətlərimizdə baş verənlər Rusiyanın günahı deyil, əlaqə yaratmaq istəməyən indiki Moldova hakimiyyətinin günahıdır," - deyə Dodon qeyd edib.
Siyasətçi Moldovadakı vəziyyətin dəyişəcəyinə ümidvar olduğunu bildirib:
"Əminik ki, Rusiya Federasiyası ilə birbaşa strateji dialoqa qayıdacağıq," - deyə Dodon bəyan edib.
Onun fikrincə, Avrasiya İqtisadi İttifaqı (Aİİ) bütün iştirakçılar üçün ciddi iqtisadi fayda verə biləcək yaxşı bir inteqrasiya platformasıdır.
Görüşdə Rusiya tərəfini baş nazirin müavini Dmitri Patruşev, "Rosselxoznadzor"un rəhbəri Sergey Dankvert, Rusiya Xarici İşlər Nazirliyinin müavini Aleksandr Pankin, Kənd Təsərrüfatı nazirinin müavini Maksim Markoviç və "Rospotrebnadzor" rəhbərinin müavini Vyaçeslav Smolenski təmsil edib.
Moldova tərəfdən isə, İqor Dodondan əlavə, "Moldovanın Ürəyi" Partiyasının rəhbəri İrina Vlah və "Moldovanın Gələcəyi" Partiyasının lideri Vasile Tarlev iştirak ediblər.
