ain.az xəbər verir, Reyting.az saytına əsaslanaraq.
Son 30 gündə müşahidə edilən irəliləmə sürətində belə, bütün Ukraynanı işğal etmək üçün ruslara 89 il lazım olacaq. Ukraynanın nəzarəti altında olan dörd rayonun bir hissəsini ələ keçirmək üçün ruslara 2029-cu ilin fevralına qədər vaxt lazımdır. Reyting.az xəbər verir ki, bu barədə “Economist” nəşri yazıb.“Amma Putin, deyəsən, ümidini itirməyib. Onun silahlı qüvvələri Ukrayna ilə müqayisədə ayda 10-15 min çox əsgər toplayır, hazırda Ukraynada iğtişaşlara səbəb olan çağırışa bel bağlamaqdansa, rusları səxavətli imza bonusları və maaşları ilə şirnikləndirirlər”,- deyə məqalədə qeyd edilir.Ukraynadakı müharibəni izləmək üçün “Economist” nəşrinin əməkdaşları əvvəlcə meşə yanğınlarının monitorinqi üçün nəzərdə tutulmuş NASA proqramının məlumatlarından yararlanırlar. Bu məlumatlar sayəsində Xerson vilayətində Dnepr çayı ətrafında gərgin döyüşlərin davam etdiyini görmək mümkündür.Əlavə olunur ki, bu, ciddi irəliləyiş cəhdlərindən daha çox, Rusiya pilotsuz təyyarələrinin əkin sahələrinə zərbələri ilə bağlıdır. Rusiyanın hava desant hücumundan danışılır, lakin bu, hələ baş verməyib.Öz növbəsində şimalda 50 minlik rus ordusu Sumiyə hücum edir. “Economist” məlumatları şəhərin şimal müdafiə xətləri boyunca artilleriya atəşi və partlayışları göstərir. “Rusiya şimal-şərqdə Borovaya və Seversk istiqamətində irəliləyir ki, bura Ukraynanın Donbasdakı son istehkamlarına gedən yolda taktiki nəzarət məntəqələridir. Rusiyanın əsas səyləri cənubda cəmlənib. Ukraynanın iki mühüm logistika mərkəzi olan Pokrovsk və Konstantinovka rus ordusunun şərq cəbhəsində güclü zərbələrə məruz qalır”,- nəşr vurğulayır.Xatırlanır ki, hələlik hər iki tərəfin itkiləri ilə bağlı rəsmi məlumat olmasa da, “Economist”in müharibəni gündəlik monitorinqi təxmini məlumat verə bilər.“İyulun 9-na olan məlumata görə, müharibə başlayandan bəri Rusiyanın itkiləri 900-1,3 milyon nəfər, o cümlədən 190-350 min nəfər ölüb. Bu, iyunun sonunda ümumi itkilərin 1 milyondan çox olduğunu təxmin edən digər mənbələrin hesablamalarını yeniləyir”,- nəşr qeyd edir.Eyni zamanda, UALosses saytından məlum olan ölü və itkin düşmüş şəxslərin kataloqu tammiqyaslı işğalın başlanmasından bəri 73.000 ilə 140.000 arasında Ukrayna əsgərinin həlak olduğunu göstərir.“Rusiya tərəfindən həlak olanların sayının artması yerdəki hərbi əməliyyatların nəticəsidir. Bizim peyk məlumatlarımız göstərir ki, Rusiya qoşunlarının hazırkı irəliləyiş tempi son iki ildə (çox aşağı səviyyədə olsa da) ən sürətlilərdən biridir”,- məqalədə qeyd edilir.ELÇİN Sonrakı hadisələr barədə daha çox məlumat almaq üçün ain.az saytını izləyin.
