Xəbər verdiyimiz kimi, ötən gün Rusiyanın keçmiş nəqliyyat naziri Roman Starovoyt şəxsi avtomobilində intihar edib. Hadisənin motivləri hələ ki, açıqlanmayıb. İlkin ehtimallara görə, eks-nazir dələduzluq və mənimsəmə maddələri ilə məsuliyyətə cəlb oluna bilərdi.
News24.az "Unikal"-a istinadən xəbər verir ki, keçmiş nəqliyyat naziri və Kursk vilayətinin qubernatoru olmuş Roman Starovoytun sərvətinin bir qismi açıqlanıb. KİV-də yer alan məlumata görə, onun daşınmaz əmlakının dəyəri bir milyard rubla yaxındır.
Sözügedən əmlakları diqqətinizə çatdırırıq:
- Kursk şəhərinin Vyaçeslav Klıkov prospektində 50 kvadratmetrlik mənzil;
- Sankt-Peterburqda Admiralteyskaya sahilində 50 kvadratmetr mənzil;
- Sankt-Peterburqda Malo-Oxtinski prospektində 165 kvadratmetr mənzil;
- Moskvanın Klimaşkina küçəsində 345 kvadratmetr mənzil;
- Moskvada Şmitovski proyezdində elit yaşayış kompleksində 140 kvadratmetr mənzil;
- 260 milyon rubla Myakinino rayonunda üç mərtəbəli evi olan 18 sot torpaq sahəsi;
- Tesla Model X P100D.
Qeyd edək ki, Starovoyt 2021-ci ildə həyat yoldaşından boşanıb, iki övladı var. Onun övladlarının adına heç bir rəsmi əmlak yoxdur. Məmur bir ildir ki, tibb universitetinin məzunu Polina ilə münasibətdə imiş.
