“Yeməklər ərazi iddialarında bir element kimi istifadə olunur”.
Bakıvaxtı.az xəbər verir ki, bunu “İrəvan xanlığının mətbəxi” kitabının təqdimatında deputat, STM-in İdarə Heyətinin sədri Zahid Oruc deyib.
Onun sözlərinə görə, vaxtilə xarici ölkələrdə keçirilən Qarabağ mətbəxi festivalları işğalı legitimləşdirmək məqsədlərinə və mədəni irsimizi mənimsəmək planlarına xidmət edirdi.
Z.Oruc qeyd edib ki,Qarabağ münaqişəsi, həm Ermənistanda, həm də Azərbaycanda mətbəx millətiçiliyi diskursunda öz izini qoyub və qida müharibələri, indi və gələcəklə yanaşı, tarixi hekayənin formalaşdırır.
“İrsimizi qorumaq üçün xüsusilə də qərbi azərbaycanlılar və azad torpağa dönən on minlərlə insanımız davamlı kulinariya həftələri, qastronomiya festivalları keçirməsi vacibdir”.
Mina Mikayılova
