Masallı rayon İcra Hakimiyyəti başçısının tapşırığına uyğun olaraq rayon ərazisində şəhidlər, şəhid ailələri, müharibə əlilləri və iştirakçıları daim diqqətdə saxlanılır, onların qayğıları ilə mütəmadi maraqlanılmaqla yaranmış çətinliklərin aradan qaldırılması istiqamətində mühim adımlar atılır.
Belə ki, 2025-ci ilin 01-30 iyun tarixlərində Masallı rayon İcra Hakimiyyəti başçısının tapşırığı ilə Türkoba, Hişkədərə, Təzəkənd, Mahmudavar, Təzə Alvadı, Göyəçöl, Yeyənkənd, Güllütəpə və Sərçuvar ərazilərində şəhid məzarları ziyarət edilmiş, şəhid ailələrinin sosial-məişət şəraitinin yaxşılaşdırılması məqsədilə görüşlər keçirilmiş və onların problemləri dinlənərək həlli istiqamətində zəruri tədbirlər görülmüşdür.
