Yaponiyada 2022-ci ildən bəri ilk dəfə ölüm hökmü icra olunub
Publika.az xəbər verir ki, bu, həmçinin Baş nazir Sigeru İsiba hökuməti dövründə ədliyyə naziri tərəfindən imzalanmış ilk edam əmri olub.
Belə ki, yerli sakin Takahiro Siraisinin doqquz nəfəri öldürüb doğramasına görə məhkəmənin çıxardığı ölüm hökmü icra edilib.
2017-ci ildə iki ay ərzində Tokioda bir neçə yerli sakin öldürülüb.
Cinayətkar təsadüfən tutulub: itkin düşmüş qızın qardaşı onun şifrələrini bilirdi və nəticədə qatil çıxmış oğlanla yazışmalarını görüb.
Şübhəlinin mənzilində axtarış zamanı daha səkkiz nəfərin başları və bədənlərinin digər üzvləri aşkar edilib.
Dindirmə zamanı yaponiyalı cinayətləri törətdiyini etiraf edib və “o qədər çox adam öldürmüşəm ki, artıq kimin kim olduğunu xatırlamıram” deyə əlavə edib.
