Niderland kraliçası Maksima Haaqada birgə foto çəkdirərkən ABŞ prezidenti Donald Trampı parodiya edib.
Publika.az xəbər verir ki, həmin anı əks etdirən görüntülər "Forbes"in "YouTube" kanalında yayımlanıb.
Video Tramp, Maksima və Niderland kralı Villem-Aleksandrın NATO sammiti çərçivəsində birgə foto çəkdirdikləri zaman qeydə alınıb.
Kadrlarda kraliça Maksimanın Trampdan sonra “təşəkkür edirəm” sözünü necə təkrarladığı, onu nümayişkaranə şəkildə yamsıladığı görünür.
Bundan əvvəl Tramp Niderlandın kralı ilə kraliçasını gözəl və görkəmli insanlar adlandırmışdı.
