Xalq qazeti portalından alınan məlumata görə, ain.az xəbər verir.
25 iyun – Dənizçi Günü münasibətilə Dövlət Dəniz və Liman Agentliyinin kollektivi Fəxri Xiyabanda Ümummilli Lider Heydər Əliyevin əziz xatirəsini yad edib, məzarı önünə gül dəstələri qoyublar.
Dənizçilər tərəfindən görkəmli oftalmoloq-alim, akademik Zərifə xanım Əliyevanın da xatirəsi ehtiramla yad edilib.
Rəqəmsal İnkişaf və Nəqliyyat Nazirliyinin Mətbuat xidmətindən XQ-yə bildirilib ki, Şəhidlər xiyabanına gələn ziyarətçilər Azərbaycanın müstəqilliyi və ərazi bütövlüyü uğrunda mübarizədə canlarından keçən qəhrəman Vətən övladlarının, o cümlədən I Qarabağ müharibəsində şəhid olan dənizçilərin xatirəsini ehtiramla yad edib, məzarları üzərinə gül dəstələri düzüblər.
Ölkəmizdə 25 iyun tarixi Azərbaycan Respublikasının Prezidenti cənab İlham Əliyevin 2014-cü il 19 iyun tarixli Sərəncamı ilə Dənizçi Günü peşə bayramı təsis olunub.
Hazırda Azərbaycanın sürətli inkişafında dənizçilərin xüsusi əməyi var. Onlar həm yükdaşımalarda, həm də dənizdə neft-qaz hasilatında mühüm rol oynayırlar. Həmçinin Xəzərdən kənar sularda Azərbaycan bayrağı ilə üzən dənizçilərimiz daim ölkəmizi qürurla təmsil edir, Azərbaycanın və dünya iqtisadiyyatının inkişafında mühüm rol oynayırlar.
Ən son xəbərləri və yenilikləri almaq üçün ain.az saytını izləyin.
