İsrail və ABŞ-nin İrana qarşı təcavüzü Tehranın nüvə proqramını inkişaf etdirmək əzmini yalnız gücləndirdi...
Poliqon xəbər verir ki, bunu “Al Arabi Al Jadeed” nəşrinə müsahibəsində respublikanın xarici işlər naziri Abbas Araqçi deyib.
Onun sözlərinə görə, İrana qarşı təcavüz nüvə proqramını inkişaf etdirmək istəyinə müsbət təsir göstərəcək. Araqçi qeyd edib ki, ABŞ və İsrailin hərəkətləri Tehranın iradəsini gücləndirir, onu daha qətiyyətli və israrlı edir. Nazir ölkəsinin bu sahədə texnoloji tərəqqi üçün ciddi səylər göstərdiyini diqqətə çatdırıb.
"Bunun üçün xalqımız sanksiyalara dözdü, bu məsələyə görə millətimizə qarşı müharibə aparıldı. Aydındır ki, İranda heç kim bu texnologiyalardan imtina etməyəcək", deyə Araqçi bildirib.
Poliqon.info
