Astronomiya aləmində tarixi hadisə baş verəcək. 21-ci əsrin ən uzun tam Günəş tutulması 2 avqust 2027-ci ildə baş verəcək. Tam 6 dəqiqə 23 saniyə davam edəcəyi təxmin edilən bu füsunkar təbiət hadisəsini dünya üzrə təxminən 90 milyon insan izləyə biləcək.
Tutulma Atlantik okeanında başlayacaq və daha sonra Cəbəllütariq boğazına çatacaq. Mütəxəssislərə görə xüsusilə Cənubi İspaniya, Cəbəllütariq və Şimali Afrika kimi bölgələrdən görünən mənzərə füsunkar olacaq.
Tutulma Əlcəzair, Tunis, Liviya, Misir, Səudiyyə Ərəbistanı, Yəmən və Somalidən görünəcək və Hind okeanında sona çatacaq.
Tam Günəş tutulması Ayın Günəşlə Yerin arasına girərək Günəşi tamamilə bağladığı zaman baş verir. Bu tutulmanı digərlərindən fərqləndirən ən böyük xüsusiyyət onun 21-ci əsrin ən uzun tam Günəş tutulması olmasıdır.
Onun müddəti Yerin və Ayın mövqeyi, Günəşin səmadakı hündürlüyü və müşahidə nöqtəsi ilə müəyyən edilir.
