İran xarici təzyiqlərə baxmayaraq, uranı dinc məqsədlərlə zənginləşdirməyə davam edəcək.
"Unikal" xəbər verir ki, bunu İran xarici işlər nazirinin müavini deyib.
Bundan əvvəl İranın xarici işlər naziri Abbas Əraqçi bəyan etmişdi ki, İran ABŞ-nin İslam Respublikası ərazisinə endirdiyi zərbələri pisləyən Rusiyanın mövqeyini yüksək qiymətləndirir.
Diplomat əlavə edib ki, Tehran və Moskva hazırda mövcud eskalasiya ilə bağlı mövqelərini əlaqələndirirlər. Əraqçinin sözlərinə görə, İran hakimiyyəti hazırkı təhlükəli vəziyyətdə rusiyalı həmkarları ilə məsləhətləşmələrə böyük əhəmiyyət verir.
İyunun 22-nə keçən gecə Amerika lideri Donald Tramp ABŞ Hərbi Hava Qüvvələrinin İranın üç nüvə obyektinə hücum etdiyini açıqlayıb. Əsas hədəf uranın zənginləşdirilməsi zavodu olan Fordo olub.
