ain.az, Yeniavaz portalına istinadən məlumatı açıqlayır.
ABŞ-nin endirdiyi zərbələr nəticəsində İrandakı “Fordo” nüvə obyekti yaxınlığında ən azı üç krater yaranıb.
Yeniavaz.com xəbər verir ki, bu barədə müvafiq peyk görüntülərini təhlil edən “Əl-Cəzirə” telekanalı məlumat yayıb.
Bildirilib ki, görüntülərdə obyektin tunellərinə girişlərin bloklandığı da görünür.
Dağıntının miqyası dəqiqləşdirilməyib.
Qeyd edək ki, bu gecə ABŞ silahlı qüvvələri İranın əsas nüvə infrastrukturlarına koordinasiyalı hücum həyata keçirib. Əməliyyat çərçivəsində Fordo şəhərində yerin dərinliklərində yerləşən nüvə obyektinə altı ədəd GBU-57 tipli bunker əleyhinə bomba atılıb. Bu bombalar yalnız B-2 Spirit bombardmançı təyyarələri ilə daşına bilir və hər birinin çəkisi 13 tondan artıqdır. Hər B-2 təyyarəsi iki belə bombanı daşımaq gücünə malikdir.
Bundan başqa, İranın İsfahan və Natanz şəhərlərində yerləşən digər iki nüvə obyektinə qarşı həyata keçirilən hücumlarda ABŞ Hərbi Dəniz Qüvvələrinin Ohayo sinifli sualtı qayıqlarından buraxılmış 30-a yaxın “Tomahawk” qanadlı raketindən istifadə olunub.
Hadisənin gedişatını izləmək üçün ain.az saytında ən son yeniliklərə baxın.
