Putin: Ukrayna bloklara qoşulmayan və nüvəsiz statusa malik olmalıdır
Rusiya prezidenti Vladimir Putin hesab edir ki, Ukraynanın nüvə silahı əldə etməsi ehtimalını istisna etmək lazımdır. Onun fikrincə, ölkə neytral, bloklara qoşulmayan və nüvəsiz statusa malik olmalıdır.
"Biz hesab edirik ki, Ukrayna dövlətçiliyinin başladığı yerə, yəni müstəqillik bəyannaməsində yazılanlara - neytral, bloklara qoşulmamaq və nüvəsiz statusa qayıtmaq lazımdır", - deyə cənab Putin Sky News Arabia telekanalına müsahibəsində bildirib (RİA Novosti).
Rusiya prezidenti bir gün əvvəl bəyan etmişdi ki, o, rusları və ukraynalıları bir xalq hesab edir. O, əmin edib ki, Rusiya Ukraynanın kapitulyasiyasına can atmır, lakin “yerdə yaranmış reallıqları tanımaqda israrlıdır”.
