UEFA "Zirə" - "Hayduk" oyununun vaxtını dəyişdi

"Zirə" və Xorvatiyanın "Hayduk" komandaları arasındakı Konfrans Liqasının 2-ci təsnifat mərhələsinin ilk oyununun vaxtı dəyişdirilib.

"Football-plus.az" xəbər verir ki, Bakıdakı qarşılaşma iyulun 24-də yox, bir gün tez - iyulun 23-də "Neftçi Arena"da (8-ci km stadionu) olacaq.

UEFA bu qərarı Azərbaycanın bütün klublarının ev oyunlarını paytaxtda keçirəcəyi ilə əlaqədar qəbul edib.

Cavab görüşü isə iyulun 31-də Split şəhərindəki "Polyud" stadionunda baş tutacaq.

Qeyd edək ki, Azərbaycanın Konfrans Liqasındakı digər təmsilçisi "Araz-Naxçıvan" Yunanıstan "Aris"inə qarşı ilk oyununu iyulun 24-də "Liv Bona Dea Arena"da keçirəcək.