Çinin “Huawei” korporasiyası rekord həcmdə operativ yaddaşa malik qabaqcıl smartfon təqdim etməyi planlaşdırıb.
Yeniavaz.com xəbər verir ki, bu barədə “Huawei Central” nəşri məlumat yayıb.
“Digital Chat Station” insayderinin məlumatına görə, şirkət 20 giqabaytdan çox tutumlu RAM-ı dəstəkləyəcək yeni flaqman prosessoru hazırlayır. Mütəxəssis qeyd edib ki, bu çip əsasında işləyən ilk telefon sadəcə 20 giqabayt operativ yaddaş əldə edəcək.
Qeyd edilib ki, artıq bazarda operativ yaddaşı 20 giqabaytdan çox olan qurğular mövcuddur - məsələn, “OnePlus 13”ün xüsusi versiyasında 24 giqabayt var. Bununla belə, “Huawei” üçün belə bir göstərici rekord olacaq. Bundan əlavə, istehsalçı daha çox operativ yaddaşa malik telefonu da təqdim edə bilər - 26, 28 giqabayt və s. Hazırda “Huawei” smartfonları arasında ən böyük RAM göstəricisi 16 giqabaytdır.
Nəşrin məlumatına görə, belə bir cihaz ilin sonuna yaxın peyda olacaq. Müəllif hesab edir ki, bu, “Huawei Mate 80” olacaq. “Huawei Central” jurnalistləri gələcək yeniləməni ultra yaddaşa malik smartfon adlandırıblar.