ABŞ prezidenti Donald Tramp Milli Təhlükəsizlik Şurasının iclasını çağırır. Bu, Amerika lideri G7 sammitindən qayıtdıqdan dərhal sonra baş tutacaq. Bu barədə Fox News xəbər verir. Telekanalın məlumatına görə, Tramp Milli Təhlükəsizlik Şurasından onun situasiya otağına qayıtmasına hazırlaşmağı xahiş edib.
Xatırladaq ki, daha əvvəl Ağ Evin mətbuat katibi Karolin Leavitt bəyan etmişdi ki, ABŞ prezidenti Donald Tramp Yaxın Şərqdəki vəziyyətlə əlaqədar G7 sammitində iştirakını vaxtından əvvəl dayandırır.
Bundan əvvəl mediada Amerika liderinin G7 sammitində Ukrayna prezidenti Vladimir Zelenski ilə görüş planlaşdırdığı barədə məlumat yayılmışdı. Amma bu sual altında qaldı.
Yeri gəlmişkən, ABŞ Milli Təhlükəsizlik Şurasının iclası Yaxın Şərqdə eskalasiya fonunda baş tutacaq. İsrail və İran raket zərbələri mübadiləsini davam etdirir.
Eyni zamanda, Amerika lideri Tehran sakinlərini təcili təxliyə etməyə çağırıb.
Əziz Mustafa
