Kolumbiyanın xarici işlər naziri Laura Sarabia Xorxe İvan Ospinanın ölkəsinin Ramallaha yeni səfiri təyin olunduğunu açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, paytaxt Boqotada Xarici İşlər Nazirliyində təşkil edilən mərasimdə danışan Sarabia, Ospinanın Fələstindəki diplomatik missiyasına rəsmi olaraq başladığını bildirib.
Sarabia mərasimdəki çıxışında İsrailin Qəzzaya davam edən hücumlarına da diqqət çəkib.
"Qəzzada baş verən soyqırımı qarşısında susmaq heç vaxt seçim ola bilməz. Biz tarix boyu sülhə və qurban olmuş xalqların müdafiəsinə sadiq qalırıq", - o bildirib.
