Avstraliyalıların əksəriyyəti ABŞ-yə inamın azalması davam etdiyi üçün Çinin 2035-ci ilə qədər dünyanın aparıcı gücü olacağına inandığını bildirib.
Redaktor.az xəbər verir ki, bu barədə Britaniyanın "The Guardian" qəzeti ölkədə keçirilən sorğunun nəticələrinə əsasən yazıb.
"ABŞ-yə inam azaldıqca Çin 2035-ci ilə qədər dünyanın ən güclü ölkəsi olacaq. Çin lideri Si Cinpinə inam dörd pillə artaraq 16%-ə çatıb", - nəşr yazır.
Qəzet həmçinin yazır ki, avstraliyalılar kimin daha etibarlı tərəfdaş olması - Çin lideri Si Cinpin və ya Amerika Prezidenti Donald Tramp olması ilə bağlı eyni dərəcədə bölünür.
“The Guardian”ın istinad etdiyi analitik mərkəzinin 2025-ci il hesabatına görə, respondentlərin yalnız 25%-i Trampın xarici siyasətinə inandığını bildirib. Bir il əvvəl ABŞ-nin keçmiş prezidenti Co Baydenə 46% etimad var idi.
Bundan əvvəl "Euractiv" nəşri Tramp administrasiyasının dünyanın əksər ölkələrindən gələn xarici məhsullara tətbiq etdiyi rüsumların “Amerika əsrinin sonu”na gətirib çıxara biləcəyini yazmışdı. Nəşr ABŞ-nin "Eurasia Group" konsaltinq şirkətinin menecerlərindən biri Müctəba Rəhmanın fikrinə istinad edir. O hesab edir ki, Vaşinqton administrasiyasının bu cür iqtisadi siyasətinin nəticəsi dolların dünya səhnəsində mövqeyinin zəifləməsi ola bilər.
Turan İSMAYIL
