ain.az, Hurriyyet portalına istinadən məlumatı açıqlayır.
İsrail-İran savaşı fonunda ortaya çıxan qarşıdurma Azərbaycan üçün ciddi çağırışlar yaradır.
Çünki:
- Azərbaycanın Israillə hərbi-siyasi, həmçinin iqtisadi münasibətləri mövcuddur.
- Digər tərəfdən İran əhalisinin 40% -dən çoxu azərbaycanlılardan ibarətdir.
- Azərbaycan işğal altında olan zaman Qarabağın azad edilməsi uğrunda müharibədə İsrail tərəfindən dəstəklənib.
- Azərbaycan dini inanc baxımından şiə çoxluğuna malik olan 4 ölkədən biri olmasına baxmayaraq, Israillə normal münasibətlər saxlayır.
- İsrail-İran müharibəsi fonunda yaranmış indiki şəraitdə Iranın Cənubi Azərbaycan bölgəsinin İsrail tərəfindən bombalanması ; Azərbaycan cəmiyyətində bu münasibətlərlə bağlı qütbləşmə yaradır.
- Çoxmillətli Iranda separatçı tendensiyalar önə çıxa bilər.
- Iran-Fars rejiminin İDEOLOJİ ALƏT KİMİ yürütdüyü "MƏZHƏBÇİLİK" siyasəti ; İRANIN ərəb ölkələrindən dəstək almamasına səbəb olur.
- İran-Fars rejimi əhalinin etiraza qalxa biləcəyindən ehtiyat etməyə başlayıb.
Artıq İranın xüsusi təhlükəsizlik idarəsi "ETTELAT" bununla bağlı hərəkətə keçib.
Qısa müddətdə 20 nəfərə yaxın şəxsi həbs edən İran kəşfiyyat qurumu, onları İsrailə casusluq etməkdə ittiham edib. Lakin müşahidələr göstərir ki, bunların hamısı qorxunun təsirləridir. Çünki həbs olunanların hamısı İran molla rejiminə çağırışlar etdikləri üçün həbs olunublar.
Bundan başqa, İranın təhlükəsizlik orqanları ölkənin müxtəlif bölgələrində vəziyyətə nəzarət etmək və ictimai etirazların qarşısını almaq qərarına gəliblər. Hər bir vilayətin qubernatorluqlarına və polis komandanlığına şəraitdən asılı olaraq rejimə qarşı etiraz aksiyalarının qarşısını almaq səlahiyyəti verilib.
Müşahidələr göstərir ki, İran-İsrail savaşı fonunda ən çox narahat olanların başında Ermənistan gəlir.
Erməni siyasi ekspertləri Azərbaycanın vəziyyətdən istifadə edərək, Ermənistana hücum edə biləcəyi ilə bağlı nağıllar uydumağa başlayıblar. Onlar iddia edirlər ki, əgər İranda iğtişaşlar başlasa, Güney Azərbaycan ; beynəlxalq hüquqlar çərçivəsində müstəqil olan və Birləşmiş Millətlər Təşkilatı ( BMT) tərəfindən tanınan Azərbaycan Respublikasına birləşməyə çalışacaq. Bu baş verərsə, böyük bir Azərbaycan dövləti yaranmış olacaq. “Böyük Azərbaycanın" mövcudluğu Ermənistanı ciddi narahat edir. Hazırda İranda vəziyyət gərgin olaraq qalır.
Məlumatlara görə İran İslam Respublikasının dini və əslində isə faktiki olaraq SİYASİ LİDERİ Xameneyi artıq Tehrandan çox uzaqlarda gizlənib.
Bundan başqa, İrandan Türkiyəyə kütləvi köç başlayıb. Hazırda Tehran İran rəhbərliyi üçün ən təhlükəli şəhərə çevrilib.
Başsız qalan "SEPAH" əməkdaşları Türkiyəni ABŞ-a, Azərbaycanı isə İsrailə "dəstək verdiyinə" görə təhdid edir. İsrail aviasiyası İran səmasında uçuşlar həyata keçirir, İran İslam Respublikasının hərbi infrastrukturu, generaliteti və neft bazaları İsrailin atəşi altındadır.
İran-Fars rejimi təmsilçiləri Xəzər dənizi üzərində uçan və Bəndər Abbas limanına zərbə endirən İsrail PUA-larının Azərbaycan ərazisindən buraxılmasını iddia edir.
Əslində isə "ETTELAT" öz diqqətini İran ərazisindəki, Rey şəhərində fəaliyyət göstərən "PUA" istehsal edən zavod kimi obyektlərin və ya güc strukturlarında İsrailə xidmət edən çoxsaylı casusların aşkarlanmasına yönəltməlidir.
Azərbaycan öz ərazisindən kiməsə qarşı istifadəyə yol vermir.
Yolunu azanların dərsini Azərbaycan özü verir.
Qəvami SADIQBƏYLİ
16 İyun 2025-ci il
Sonrakı hadisələr barədə daha çox məlumat almaq üçün ain.az saytını izləyin.
