İranın nüvə proqramı ilə bağlı məsələni ancaq diplomatiya yolu ilə həll etmək olar.
Axar.az xəbər verir ki, bunu Türkiyə xarici işlər naziri Hakan Fidan Rusiya xarici işlər naziri Sergey Lavrovla telefon danışığı zamanı deyib.
“Türkiyə xarici işlər naziri Hakan Fidan bu gün Rusiya xarici işlər naziri Sergey Lavrov ilə telefon danışığı aparıb. İsrail və İran arasındakı münaqişə və bu gərginliyin mümkün qlobal və regional nəticələri müzakirə edilib. Fidan bildirib ki, hadisələr narahatlıq doğurur və münaqişəyə son qoymağın və İranın nüvə fəaliyyətləri ilə bağlı mübahisənin həllinin yeganə yolu diplomatiyadır”, - məlumatda qeyd olunub.
